BNG critica o cambio de última hora no informe de Saúde Pública sobre a celulosa de Altri

O Bloque Nacionalista Galego (#BNG) acusou este xoves á Xunta de cometer unha "fraude de lei" ao modificar un informe de Saúde Pública sobre o proxecto da macrocelulosa de Altri en Palas de Rei (Lugo). Segundo o viceportavoz parlamentario Luís Bará, o Goberno galego suprimiu horas antes de aprobar a Declaración de Impacto Ambiental (DIA) un parágrafo que alertaba de posibles  efectos negativos para a saúde  se a empresa non achegaba datos crave.

O viceportavoz parlamentario do Bloque denunciou quelos cambios de última hora introducidos no documento. Na súa opinión, a Xunta cambiouno  porque conteía “expresións incómodas e que podían ser comprometedor”. 

A polémica xira ao redor dunha liña eléctrica provisional entre Melide e a fábrica, que inicialmente ía ser soterrada pero que, tras a intervención de Patrimonio Cultural, discorrerá na súa maioría por vía aérea. O primeiro informe, emitido o 4 de marzo, esixía a Altri avaliar o impacto en poboacións próximas e engadir medidas correctoras. Con todo, unha versión modificada —aprobada ás 7:45 horas do día 5— eliminou a advertencia de que a falta de documentación convertería o informe en "negativo ·.

Galiciapress accedeu en exclusiva a documéntooss que revelan como a Subdirección Xeral de Saúde Ambiental alterou o texto sen que Altri presentase información adicional. O informe inicial, datado o 4 de marzo ás 14:00 horas, destacaba a ausencia dunha análise sobre o impacto na saúde durante a fase de explotación, especialmente en zonas próximas á liña aérea. Este tramo, segundo estudos científicos citados no texto, podería xerar riscos para veciños.

A versión definitiva, asinada menos de 24 horas despois, mantivo un 99% do contido orixinal pero omitió a referencia a un posible ditame desfavorable. Horas máis tarde, Medio Ambiente rubricou a DIA, achandando o camiño ao proxecto. 

Desde a Xunta xustificaron o cambio como unha "corrección para evitar interpretacións erróneas", aínda que non detallaron que parte do texto era ambigua.

Grupos ecoloxistas e partidos da oposición levan meses denunciando "presións" da Xunta para acelerar a tramitación da planta, promovida por Greenfiber —filial de Altri e Greenalia—.  Hoxe Bará subliñou que a DIA só avaliou a primeira fase do proxecto (250.000 toneladas de pasta celulosa), ignorando a súa expansión futura (400.000 toneladas) e o impacto acumulativo no consumo de auga e eucalipto. Tamén criticou a exclusión da subestación eléctrica e a liña de alta tensión —cuxa construción afectaría o Camiño de Santiago— dos estudos ambientais.

O nacionalista destaca que a DIA só avalía a primeira fase do proxecto, que contempla unha produción de 250.000 toneladas de pasta de celulosa e 60.000 de lyocell, pero non a segunda, que elevaría estas cifras a 400.000 e 200.000 toneladas, respectivamente. Isto, segundo o BNG, ten implicacións significativas no consumo de auga e eucalipto, aspectos que non foron valorados de forma integral.