Piden até nove meses de prisión para unha acusada de bicar e realizar tocamentos a un menor en Vigo
Os feitos terían lugar no Centro de Emerxencias para Mulleres Vítimas de Violencia de Xénero
A sección quinta da Audiencia Provincial de Pontevedra, con sede na cidade de Vigo, xulgará o vindeiro mércores, día 7 de xuño, a unha muller acusada dun delito de abuso sexual a un menor despois de supostamente bicalo e realizarlle tocamentos en varias ocasións.
Os feitos terían lugar no Centro de Emerxencias para Mulleres Vítimas de Violencia de Xénero da urbe olívica e, debido a eles, a Fiscalía solicitou 4 e 5 meses de prisión. Este xuízo estaba programado para o pasado mes de febreiro, aínda que foi suspendido pola folga de Letrados da Administración de Xustiza.
O Ministerio Público solicita así mesmo a prohibición de achegar á vícitma ou comunicar a ela durante catro anos e a inhabilitación da muller para realizar algún traballo que leve contacto con menores durante polo menos tres anos tras a pena de cárcere.
Escribe o teu comentario