Sabia Vella, xubilados do Salnés, planean a súa propia residencia en Sanxenxo mediante cesión en uso
A Asociación Sabia Vella, formada por xubilados de Meaño, Sanxenxo e Meis, decidiu romper coa dependencia das administracións públicas para resolver a falta de prazas residenciais na comarca do Salnés. O colectivo avanza cara á creación dun centro xeriátrico cooperativo, un modelo que xa opera con éxito noutras zonas e que recentemente recibiu respaldo político no Congreso dos Deputados.
Ante a "pasividade" das institucións -que non han construído ningunha residencia pública nas últimas décadas máis aló das doadas pola Fundación Amancio Ortega - , os promotores de Sabia Vella optaron por unha fórmula baseada na cesión de uso, onde a propiedade recae na cooperativa e os socios adquiren dereitos de ocupación a longo prazo.
O proxecto contrasta co estancamento do centro para maiores anunciado pola mancomunidade do Salnés, cuxas obras seguen sen data. Recentemente, tamén pechou un asilo en Cambados. A falta de prazas na comarca levou ao municipio cambadés a reclamar ao a Xunta que constrúa alí un dos 24 xeriátricos prometidos polo presidente Alfonso Rueda durante o recente Debate de Estado dá Autonomía.
Ante a lentituto públca, o modelo cooperativo de vivenda en uso gaña terreo como alternativa á burocracia e aos intereses comoerciales, tal como reflicte a recente Proposición Non de Lei aprobada en febreiro para impulsar este sistema a nivel nacional .
Este sistema, apoiado recentemente polo Congreso dos Deputados, permite aos socios gozar dun dereito de uso estable mediante unha achega inicial e cotas mensuais inferiores ao aluguer tradicional. En caso de abandonar o proxecto, recuperan o seu investimento axustado ao IPC, garantindo sustentabilidade.
En España, máis de 50 cooperativas de vivenda en cesión de uso están activas, con outras 100 en desenvolvemento, sumando 2.000 fogares. Experiencias internacionais en Dinamarca ou Uruguai avalan a súa eficacia para combater a crise habitacional.
A iniciativa, aberta a toda Galicia, prioriza a autogestión comunitaria fronte á dependencia de subvencións Mentres, o reloxo segue correndo para as administracións, cuestionadas pola súa lentitude nun territorio onde o 27% da poboación supera os 65 anos.
A residencia cooperativa do Salnés podería marcar un precedente na comunidade galega, aplicando un modelo cooperativo que combate tanto a dependencia social dos maiores como a especulación comercial cos coidados.
Escribe o teu comentario