Falece o xornalista Fernando Ónega aos 78 anos
O histórico xornalista Fernando Ónega --Mosteiro, Pol, (Lugo), xuño de 1947-- morreu este martes aos 78 anos, segundo confirmou o diario 65YMÁS, do que era presidente.
"España perde a un dos seus grandes cronistas. Galicia, a un fillo orgulloso da súa terra. E o xornalismo, a un dos seus servidores máis leais", expresou este diario nun comunicado.
Nacido en Pol o 15 de xuño de 1947, comezou a súa carreira en Galicia, pero sería en Madrid onde se convertería nun destacado cronista político. Alí chegou a ser director de prensa da Presidencia do Goberno de Adolfo Suárez, sendo o autor de boa parte dos seus discursos, entre eles o emblemático 'Podo prometer e prometo'.
A capela ardente estará aberta este mércores de 10.00 a 21.00 horas na Casa de Galicia de Madrid.
Escribe o teu comentario