Falece un home en Soutomaior ao caerlle encima unha árbore que estaba a tallar

Un home de 56 anos, veciño de Redondela, faleceu na mañá deste sábado mentres tallaba unha árbore nunha leira do municipio pontevedrés de Soutomaior. O tronco que estaba a cortar acabou caéndolle encima e causándolle a morte.

Segundo informou o CIAE 112 Galicia, o home utilizaba un guindastre para dirixir a caída da árbore, pero a estrutura non seguiu a traxectoria prevista e terminou esborrallar sobre el. O aviso aos servizos de Urxencias Sanitarias produciuse ao redor das 9.50 horas, aínda que os sanitarios só puideron certificar o falecemento.

Até o lugar desprazáronse tamén efectivos da Garda Civil, Protección Civil da Mancomunidade Oitavén-Tea e Protección Civil de Redondela. Polo momento non se ofreceron máis datos sobre a identidade do falecido nin sobre as circunstancias detalladas da talla.