Pillado no Porriño, e xa van cinco veces, a un condutor de 28 anos de Tui sen carné
Trátase dun home veciño de Tui, con antecedentes por feitos similares, ao que a Garda Civil a dado o alto xa en cinco ocasións.
A Garda Civil de Pontevedra interceptou a un home de 28 anos veciño de Tui, con antecedentes por feitos similares, conducindo un turismo sen obter nunca permiso de condución. Concretamente, é a quinta vez que o interceptan.
Segundo informan nun comunicado, os axentes do Destacamento de Tráfico do Porriño, deron o alto ao implicado na autovía A-55, no termo municipal do Porriño, onde practicaron as oportunas dilixencias e someteron ao condutor ás probas de alcol, que arroxaron resultado positivo; tamén comprobaron que o vehículo no que circulaba o investigado carecía de seguro e ITV.
A intervención levou a cabo dentro do plan específico de vixilancia e control de condutores multireincidentes do Subsector de Tráfico de Pontevedra.
O implicado, tras a inmovilización do seu vehículo, foi citado pola Garda Civil para comparecer en calidade de investigado no Xulgado do Porriño como presunto autor dun delito contra a seguridade viaria, por conducir sen obter nunca permiso de condución.
Estes feitos serán agora valorados pola autoridade xudicial e poderían chegar a implicar o seu ingreso en prisión.
Escribe o teu comentario