Declaran controlado o incendio de Pantón rexistrado esta madrugada
Para a súa extinción mobilizáronse de forma acumulada cinco axentes, oito brigadas, cinco motobombas e unha pa.
O incendio forestal rexistrado durante a madrugada deste domingo en Pantón (Lugo), na parroquia de Cangas, está controlado desde as 14.05 horas.
O lume que se iniciou ás 01.46 horas, afecto a unha superficie de ao redor de 40 hectáreas, segundo as últimas estimacións provisionais trasladadas pola Consellería do Medio Rural. Para a súa extinción mobilizáronse de forma acumulada cinco axentes, oito brigadas, cinco motobombas e unha pa.
Este municipio lucense sufriu na segunda metade de setembro outro importante incendio forestal, que, naquela ocasión, afectou á parroquia de Pombeiro e queimou un total de 1.805 hectáreas, parte delas na localidade limítrofe de Sober.
Escribe o teu comentario