Traballador electrocutado en edificio da Rúa Colón de Pontevedra
Un accidente laboral rexistrado na mañá deste luns no Paseo de Colón de Pontevedra deixou un traballador ferido e causou un corte na subministración eléctrica que afectou a decenas de vivendas e locais comerciais, segundo informou a Policía Local.
O incidente ocorreu pouco antes das 11,00 horas no edificio número 15 do Paseo de Colón.
Un operario dunha empresa de instalacións eléctricas de Pontevedra sufriu unha descarga eléctrica mentres traballaba nunha intervención programada dentro do inmoble.
O home, con feridas visibles nunha man, foi trasladado nunha ambulancia medicalizada ao hospital Povisa, en Vigo. Tamén se desprazaron efectivos do parque de Bombeiros de Pontevedra tras recibir un aviso por un posible incendio no cadro de contadores dun edificio.
O accidente produciuse durante uns traballos de renovación da liña de alimentación eléctrica do edificio, que xa comezaran o pasado 1 de setembro.
Escribe o teu comentario