Dous detidos en Miño e Arteixo vinculados ao tráfico de droga en clubs de alterne (vídeos)

Os axentes atoparon no coche máis dun quilo de droga, oculto nunha caleta que, segundo pódese ver no vídeo, tiñan un acceso camufaldo dentro do equipo de música.

Os dous galegos detidos foron postos a disposición dun xuíz coruñés, pero só un deles, fincado en Madrid, ingresou en prisión por agora.
 

A Operación Cerro Azul, desenvolvida pola Garda Civil da Coruña, saldouse coa detención de dúas persoas por tráfico de drogas e permitiu desmantelar un laboratorio dedicado á síntese de distintos tipos de sustancias estupefacientes situado en Xetafe (Madrid).

A operación, iniciada a comezos deste ano, prestaba atención á venda 'polo miúdo' de drogas en locais e zonas de lecer da provincia da Coruña. No marco desta vixilancia, os axentes detectaron a un home que, de maneira esporádica, desprazábase á provincia da Coruña para distribuír cocaína en clubs de alterne.
 

A identificación do home, apunta o corpo, foi difícil, dado que se trataba dun estranxeiro sen residencia fixa na provincia e empregaba para dous desprazamentos un vehículo que non estaba ao seu nome.

A inicios do mes de abril, os axentes detectaron de novo a presenza desta persoa na Coruña, polo que iniciaron unha vixilancia que derivou na constatación dunha reunión nun vehículo cun veciño de Arteixo para a venda de sustancias estupefacientes.

A Garda Civil identificou entón aos ocupantes do vehículo e procedeu á inspección do mesmo. No coche, foi localizado un paquete rectangular de 1.150 gramos de cocaína.

Tras deter aos dous individuos, os axentes practicaron entradas e rexistros nas súas vivendas, en Arteixo e Xetafe. Neste último foi desmantelado un laboratorio de procesado de diversas sustancias estupefacientes, e incautáronse utensilios para a súa manipulación e un vehículo.

A operación finalizou coa incautación de 4,3 quilos de cocaína, 5,6 quilos de MDMA, 1,5 quilos de pastillas de éxtases e abundante sustancia de corte, básculas de precisión, prensas e envasadoras ao baleiro. Os detidos foron postos a disposición do Xulgado de Instrución nº5 da Coruña, acordar o ingreso en prisión do afincado en Madrid.