Excarceran un home en Padrón tras un choque entre tres vehículos
Segundo informou o 112 Galicia, foi ao redor das 22,15 horas cando un particular alertou do sinistro, rexistrado no quilómetro 1,5 da DP-3302, en Cruces
Un accidente entre tres turismos obrigou a excarcerar a un home en Padrón, xa que permanecía atrapada no interior dun dos coches. O ferido, que conducía un dos vehículos, foi trasladado en ambulancia ao Complexo Hospitalario Universitario de Santiago.
Segundo informou o 112 Galicia, foi ao redor das 22,15 horas cando un particular alertou do sinistro, rexistrado no quilómetro 1,5 da DP-3302, en Cruces.
Deste xeito, os xestores do 112 pediron a intervención de Urxencias Sanitarias de Galicia-061, dos Bombeiros de Boiro, do GES de Padrón e dos axentes da Garda Civil de Tráfico.
Con todo, os Bombeiros encargáronse de liberar ao home, que foi atendido no punto e posteriormente trasladado ao centro hospitalario compostelán.
Escribe o teu comentario