A explosión dunha bombona causa feridas a unha persoa en Teo
O suceso, tal e como informou o 112, produciuse sobre as 12.30 horas deste sábado e foi un familiar do ferido o que deu a voz de alarma
Unha persoa resultou ferida grave nunha man tras a explosión dunha bombona nunha celebración particular en Calo, no municipio coruñés de Teo.
O suceso, tal e como informou o 112, produciuse sobre as 12.30 horas deste sábado e foi un familiar do ferido o que deu a voz de alarma.
Até o punto desprazáronse os profesionais de Urxencias Sanitarias de Galicia-061 que trasladaron á persoa ferida até o hospital de referencia.
No operativo tamén participou o GES de Brión, a Policía Local, a Garda Civil e o Servizo Municipal de Protección Civil de Teo.
Escribe o teu comentario