Accidente en Vedra cun motorista ferido nunha saída de vía
O accidentado tivo que ser trasladado ao hospital a bordo do helicóptero medicalizado.
Un motorista resultou ferido tras saír da vía na DP-8902 ao seu paso por Vedra (A Coruña) e tivo que ser trasladado ao hospital a bordo do helicóptero medicalizado.
Segundo informou o 112, o suceso produciuse sobre as 15,30 horas deste sábado e foi un particular deu a voz de alarma e explicou que o motorista non perdese a conciencia en ningún momento.
No operativo participou Urxencias Sanitarias de Galicia-061, a Garda Civil, o GES da Estrada e os voluntarios de Protección Civil de Vedra.
OUTROS SUCESOS
Por outra banda, sobre as 16,00 horas deste sábado unha muller resultou ferida en Pontevedra tras quedar atrapada entre o coche e a parede dentro do garaxe da súa vivenda.
O suceso produciuse no lugar de Cruceiro e foi un familiar da muller o que deu a voz de alarma. Até o punto desprazáronse os Bombeiros de Pontevedra que explicaron que a ferida xa estaba liberada cando chegaron.
Pola súa banda, o persoal de Urxencias Sanitarias-061 detallou que a muller puido sufrir un golpe ao quedar o vehículo sen freos e procederon a trasladala ao hospital.
Noutra orde de cousas, sobre as 17,30 horas desta tarde produciuse un accidente con dous menores feridos na AC-432 en Camariñas e un bebé e un neno tiveron que ser atendidos polos servizos sanitarios.
Escribe o teu comentario