O Papa nomea novo arcebispo de Santiago a Francisco José Prieto Fernández
Este cargo estaba ocupado desde 1996 por Julián Barrio Barrio
O Papa nomeou a Francisco José Prieto Fernández novo arcebispo de Santiago de Composela, que actualmente ten o cargo de bispo auxiliar desta diocese, na que desde 1996 era arcebispo Julián Barrio Barrio.
Segundo fixo público esta mañá a Santa Sé e difundiu a Conferencia Episcopal Española, o Papa Francisco tamén designou bispo de Alcalá de Henares ao sacerdote Antonio Prieto Lucena, actual vigaira xeral da diocese de Córdoba.
Esta diocese madrileña estaba vacante desde o 21 de setembro de 2022, cando o Papa aceptou a renuncia de Juan Antonio Reig Pla, polo que se puxo á fronte como administrador apostólico a Jesús Vidal Chamorro, bispo auxiliar de Madrid.
Finalmente, o Papa nomeou bispos auxiliares de Sevilla aos sacerdotes Ramón Darío Valdivia Jiménez e Teodoro León Muñoz, que son actualmente, respectivamente, vigairo episcopal de Sevilla I e vigairo xeral desta diocese.
Escribe o teu comentario