Nova edición dos Bonos Corazón en Santiago de Compostela: onde descargalos e cando usalos

O Concello de Santiago de Compostela iniciou unha nova conta atrás para a posta en marcha doutra edición dos Bonos Corazón de Santiago, unha iniciativa para espolear o comercio local compostelán con todos aqueles establecementos que queiran adherir a esta campaña, que arrinca o vindeiro venres 16 de maio ás 9:30 horas e para a que os comercios poderán empezar a inscribir a partir do mércores.  

DÚAS EDICIÓNS EN 2025

A tenente de alcalde, María Rozas, detallou que esta camapaña contará cun orzamento de 600.000 euros, o que supón un incremento de 150.000 euros con respecto á do 2024. Esta subida permite, ademais, pór en marcha dúas convocatorias nun mesmo ano, atendendo á demanda dos comerciantes. Só na última edición foron 9.000 os usuarios que acudiron aos bonos, mobilizando un millón e medio de euros no comercio local. 

"Estes datos demostran que os bonos cumpren co obxectivo de dinamizar os negocios locais e permite coñecelos a moita clientela que se cadra non os coñecía", festexa a edila. 

Desta forma, disporanse Bonos Corazón a finais de primavera e despois do verán para poder apoiar ao comercio local en "tempadas baixas" de compra. Como en anos anteriores, o bono terá un límite de 50 euros: 30 achegaraos o consumidor e 20 o Concello. Desta forma, e coa posibilidade de obter até tres por persoa, os interesados poderán gastar 90 euros e gozarán de 60 máis, até un total de 150, para realizar as súas compras nos comercios adheridos. 

O bono estará dispoñible na web habilitada para a súa descarga e quedará na 'Wallet' do comprador para que poida aplicala de maneira dixital nos comercios. No entanto, tamén poderá obter de maneira presencial e o diñeiro do bono irase descontando a medida que se realicen as compras nos distintos comercios, sen necesidade de empregalo todo nun só. 

Os comercios terá un límite económico do bono por establecemento de 15.00 euros. A cantidade que poida deixar a medida por locais é maior de gasto dos usuarios, segundo as contas do Concello, que concreta que en caso que un titular sexa propietario de varios establecementos, todos eles pódense adherir á campaña se así o desexa.