Deteñen ao mozo acusado de acoitelar a un menor de 17 anos en Santiago

Un menor de 17 anos permanece ingresado no Hospital Clínico de Santiago tras ser acoitelado durante a madrugada deste domingo na capital galega.

Segundo informaron os servizos de urxencias sanitarias, a central recibiu a alerta por ferida de arma branca sobre as 05:15 horas na Rúa Nova de Abaixo.

Ao lugar enviouse unha ambulancia asistencial de #SVA de Urxencias Sanitarias que trasladou ao mozo ao Hospital Clínico de Santiago. Unha vez no hospital, tivo que ser intervido e extirpar o bazo.

DETIDO O AGRESOR

Grazas ao relato das testemuñas que esta pasada madrugada puideron presenciar a agresión na Rúa Nova de Abaixo, nas inmediacións da discoteca Vanitas, e a descrición que estes ofreceron á Policía, os axentes puideron identificar ao agresor e detelo, segundo confirmaron fontes policiais.

ACOITELADO NA RÚA SANTIAGO DE CHILE

A semana pasada, un incidente parecido tivo lugar nunha rúa moi próxima da cidade. Na rúa Santiago de Chile, un home de 31 anos foi tamén acoitelado e perdeu posteriormente a vida.

Aínda que non se descarta ningunha hipótese, as investigacións levadas a cabo até o momento apuntan a que ambos os sucesos non teñen relación.