Un incendio no exterior dunha nave en Santiago mobiliza aos servizos de emerxencia
Varios particulares deron aviso ao 112 ao redor das 09:45 horas desta mañá
Os servizos de emerxencia atópanse traballando na extinción dun incendio no interior dunha nave situada no polígono de Costa Vella, en Santiago de Compostela, concretamente na rúa Castela e León.
Segundo apuntaron fontes da central de emerxencias, varios particulares informaron ao 112 deste lume ao redor das 09:45 horas da mañá deste domingo. Nestas mesmas comunicacións, os alertantes sinalaban que o que ardía poderían ser anacos de espuma situados na parte de atrás desta instalación.
Nestes momentos, no punto están a traballar os Bombeiros de Santiago e tamén foron mobilizados efectivos da Policía Nacional, da Policía Local e de Protección Civil.
Escribe o teu comentario