A Asocación Batas Brancas cuestiona a veracidade dos datos sobre listas de espera achegadas polo Sergas

A Asociación Batas Brancas emitiu un comunicado facendo unha crítica á xestión sanitaria da Xunta, expresando a súa preocupación pola "absoluta falta de empatía" do presidente do Goberno galego, Alfonso Rueda, cara ás persoas enfermas. Cuestionan ademais a veracidade dos datos oficiais sobre as listas de espera.

Segundo afirman desde a asociación, os datos de listas de espera que publica a Consellería de Sanidade non reflicten a realidade dos tempos que existen desde o primeiro contacto con sistema sanitario até a interveción ou a realización de probas diagnósticas. Ademais, denuncian a "politización do #Sergas e da Conselleria de Sanidade desde o ano 2009", alegando que é "asfixiante" e que perfjudica aos pacientes e as súas familias.

Aínda así, segundo indican desde Batas Brancas, o #Sergas asegura que non existe tal manipulación nas cifras e que son datos do Ministerio. Estes datos, concretamente sitúan a Galicia como a segunda comunidade autónoma con menor listas de espera. Denuncian que o Ministerio de Sanidade limítase a "publicar os propios datos que lle remite cada comunidade autónomas", confiando nesta información. Con todo, a asociación afirma que estes dastos "son xestionados por políticos e en Galicia especialmente, a politización do #Sergas e da Consellería de Sanidade, desde o ano 2009 foi e segue sendo asfixiante".

COLAPSO NAS URXENCIAS DO CHUS

Por mor do sucedido este pasado mércores no servizo de urxencias do CHUS, onde a situación de alta demanda desbordou a atención urxente no Hospital Clínico de Santiago, cun total de 13 pacientes de carácter grave nos corredores do hospital, Galiciapress púxose en contacto co Sergas para solicitar información.

Desde o Servizo Galego de Saúde aseguraron que os pacientes críticos non esperan, senón que son "atendidos de maneira inmediata, tal e como indica o sistema de Triaje Manchester, internacionalmente recoñecido polas sociedades científicas e sistemas de saúde".

Aseguran que os tempos asistenciais cúmprense e que se clasifica aos pacientes, atendendo ao protocolo, segundo o seu graveedad, priorizando a atención. Indican que neste sentido os profesionais do CHUS fan un "magnífico traballo".

Nas súas declaracións que enviaron por escrito a Galiciapress aproveitaron para facer un chamamento á participación na capaña de vacinación contra a cripe e a Covid, ademais da inmunización do VRS nos menores.

Lembraron ademais os esforzos do #Sergas na ampliación de espazos e adquisición de tecnoloxía cun investimento durante a pandemia de máis de 1,5 millóns de euros. Indican tamén que o Hospital Clínico de Santiago acaba de dar comezo a unhas obras de ampliación que "contarán cun investimento de 73 millóns de euros, que suporán un incremento dun 30% da superficie".