Alerta vermella por temporal: empeora a previsión meteorolóxica a partir da tarde do mércores

Xaneiro vén cargado de avisos por tormenta. Galicia vive unha situación de inestabilidade marcada polas fortes choivas que se esperan nas próximas horas e días, especialmente a partir da tarde deste mesmo mércores. A Xunta activou a alerta vermella no litoral da Coruña, onde se espera que a situación sexa moi comprometida. No resto da costa o aviso permanece en nivel laranxa, aínda que por pouco tempo.

TEMPORAL E ALERTA VERMELLA

O escenario empeorará a medida que pasen as horas e para mañá juevese a alerta vermella comprenderá xa a todo o litoral da provincia da Coruña. Para venres a situación será aínda máis extrema e o prognóstico nestes momentos é de que a costa estará en nivel de alerta vermello este 23 de xaneiro, día no que tamén se esperan nevadas en diversos puntos da comunidade, mesmo en zonas do interior da Coruña, incluída Santiago de Compostela.

O nivel de alerta vermello establécese co obxectivo de garantir a seguridade dos bens e as persoas, tal e como marca a Dirección Xeral de Emerxencias e Interior, da Consellería de Presidencia, Xustiza e Deportes, que decretou esta situación a través do Centro Integrado de Atención ás Emerxencias 112 Galicia e informado os concellos das provincias afectadas; deputacións, servizos provinciais e agrupacións de voluntarios de Protección Civil e aos clubs náuticos, entre outros.
 

Segundo a Axencia Estatal de Meteorología (AEMET) será a última hora da tarde cando se espera a peor parte, con mar combinada con ondas de até nove metros e vento do noroeste de forza sete.

Quedan suspendidas, por tanto, todas as actividades deportivas no mar, tanto federada como do programa Xogade, nos concellos afectados segundo as previsións de órganos preditores, e que se poden consultar na web Deporte Galego.
 

Con este parte meteorolóxico, o Goberno de Galicia lembra a importancia de manter afastado da liña de costa, isto é, diques, rompientes e paseos marítimos. Ao tempo, roga á cidadanía que se extremen as medidas de seguridade á hora de realizar calquera actividade no mar e que se revisen os cabos e amarres das embarcacións. De igual forma, lembra que se pode facer calquera consulta a través da páxina web do CIAE 112 (www.axega112.gal), onde de actualiza puntualmente toda a información meteorolóxica.