O Festival Sinsal redobra a súa aposta pola sustentabilidade e anuncia o fin dos vasos de plástico en San Simón

Nada máis pon o primeiro pé en San Simón os asistentes ao Festival Sinsal descobren o cartel que levaba oculto un ano. Ese día a programación deixa de ser un segredo cobre a todos, enchendo de música a illa e a ría de Vigo con concertos únicos e, en moitas ocasións, inéditos en Galicia e en España. O insular é un dos eventos máis singulares do verán, pero tamén unha cita onde mostran o seu compromiso coa cultura, a historia e o medioambiente, por iso este ano o cartel estará menos visible, cando antes estaba até no vaso.

ADEUS, VASIÑO, ADEUS

E é que para a edición de 2025, no seu afán por tratar de facer aínda máis sostible esta cita -a sustentabilidade foi un dos grandes selos do Sinsal desde a súa inauguración-, a organización decidiu pór punto e final ao uso dos vasos reutilizables, que até agora estaban decorados coa programación diaria do festival.

Este é un dos obxectos máis reconocibles do festival, que para este ano busca novas fórmulas de reducir o emprego de plásticos e manter limpa a illa, algo no que se avanzou sensiblemente o ano pasado coa campaña SinsalSenRastro para aplicar un novo modelo de xestión de residuos coas 3R de eixo: reducir, reutilizar e reciclar.

Por iso, xunto co Punto R que se impusló na edición anterior e a invitación a que os asistentes se fagan responsables dos seus propios residuos, este ano o 'Kit Festivaleiro' vai un paso máis aló e, ademais de instar aos asistentes a levar a súa vaixela reutilizable, convidan aos festivaleros a levar consigo o seu propio vaso, xa que non se contará para esta edición con vasos de plástico propios do festival. 

MENOS RESIDUOS

A organización é consciente de que, para moitos, a medida significa pór fin a un artigo de coleccionista. Con todo, poderanse usar os vasos reutilizables de edicións pasadas a disposición do festival-cun depósito de dous euros e que se poderá recuperar coa devolución do vaso ao terminar a xornada- ou aqueles que leve cada un consigo. 

"O festival, que forma parte do Pacto Cultura Sostible, lembra que tanto a illa de San Simón como a de Santo Antón dispoñen de distintos puntos nos que poder coller auga potable", abundan os organizadores, á vez que precisan que na web pódese consultar un mapa onde localizar as fontes de auga, as zonas para fumadores -todas elas en San Simón; Santo Antón é zona libre d ehumos- e a localización do Punto R, que o ano pasado logrou rebaixar un 30% o volume de residuos xerados.  

Con ou sen vaso, o festival apunta a ser outro ano máis un éxito en canto asistencia, xa que os abonos voloran en cuestión de horas e xa non quedan entradas para asistir o sábado 26 de xullo, mentres que para o venres 25 e o domingo 27 de xullo quedan aínda unas poucas entradas.