Alerta amarela en toda Galicia este sábado por choiva e tormenta

A Axencia Estatal de Meteorología (Aemet) activa para o mediodía deste sábado a alerta amarela por choiva e tormenta en varios puntos das provincias da Coruña, Lugo e Pontevedra.

Segundo informa na súa páxina web, a alerta comezará ás 12.00 horas e estenderase até a medianoite desta xornada. Todo iso, ao esperar precipitacións acumuladas nunha hora de 15 mm e tormentas que poden ir acompañadas de saraiba.

Durante este sábado, indica Meteogalicia, persiste a inestabilidade atmosférica sobre toda a comunidade, as temperaturas non sufrirán grandes cambios e o vento será do sur en xeral e de dirección variable no terzo norte.

En canto á xornada do domingo, continuará a inestabilidade e entrará aire frío que deixará temperaturas baixas para esta época do ano, haberá ceos parcialmente cubertos, con choivas probables en calquera punto da Comunidade.