Máis de mil raios caen sobre Galicia en 24 horas

Galicia leva rexistrados máis de 1.000 raios nas últimas 24 horas, entre a tarde do xoves e deste venres, 2 de maio, segundo os datos de Meteogalicia.

Esta situación prodúcese nunha xornada de venres de alerta amarela da Axencia Estatatal de Meteorología (Aemet) por tormentas e fortes choivas en toda a comunidade.

As tormentas rexistradas nas últimas horas por todo o territorio galego deixaron decenas de incidencias ao longo da comunidade, con sotos alagados e cableado e árbores caídas, entre outros danos.

Meteogalicia explica que durante o fin de semana continuarán os chuvascos tormentosos, máis intensos durante as tardes. Ademais, as temperaturas irán á baixa.

Precisamente, para este sábado, 3 de maio, Aemet activa unha alerta amarela nas provincias da Coruña e Lugo por tormentas e choivas entre as 9,00 e as 20,00 horas.