Vithas Vigo organiza unha charla sobre dermatitis atópica en nenos

As pediatras do Hospital Vithas Vigo Cristina Granja e Patricia Oliván protagonizarán o vindeiro mércores, día 9 de abril, unha nova sesión do programa de formación da cidadanía Vithas Aula Saúde cun taller teórico-práctico sobre dermatitis atópica.

Esta charla, que comezará sobre as 18.00 horas, organízase en colaboración con Rilastil e contará cun servizo de gardaría para facilitar a participación dos pais na mesma.

Nun comunicado, Vithas Vigo explicou que a dermatitis atópica é unha enfermidade inflamatoria clínica da pel que se manifesta máis frecuentemente na idade pediátrica, aínda que, en ocasións pode estar presente tamén na adolescencia e a idade adulta.

No taller, as pediatras ofrecerán información para formar ás familias de primeira man dunha verdadeira educación no coidado e tratamento dos pequenos que padecen esta patoloxía.
 

A inscrición nesta charla é gratuíta até completar o aforamento. Para reservar praza é necesario enviar un correo electrónico a 'aulasalud.galicia@vithas.es' indicando nome dos pais e idade dos nenos que van acudir. A chala celebrarase na sala de sesións do Hospital Vithas Vigo, en Vía Norte, 48.