A maior parte de Galicia baixo aviso meteorólogico hoxe e mañá por fortes ventos

Galicia experimenta este mércores unha xornada de aviso amarelo por fortes ventos nas provincias da Coruña, Lugo e Ourense a partir desta tarde e até o xoves. Espéranse refachos superiores aos 80 quilómetros por hora.

Segundo informa Meteogalicia, o vento do nordeste será máis forte pola noite, con aviso amarelo no litoral e zonas altas. Ese aviso xa está activo desde esta mañá de mércores no mar na provincia da Coruña.

Os chuvascos do terzo norte irán a menos co avance da mañá e pola tarde as choivas chegarán polo sur da comunidade galega.

Previsión de Meteogalicia para os próximos días

Mércores: Ceos nubrados e descenso de temperaturas 

Este mércores, unha área de altas presións manterase sobre o norte da península Ibérica, mentres que un sistema de aire frío moverase cara ao sur, xerando unha área de baixa presión no norte de África. Esta configuración atmosférica traerá ceos con intervalos nubrados sobre Galicia, con choivas esporádicas máis probables no norte da rexión e, cara á tarde, tamén no sur de Ourense. As temperaturas descenderán levemente e o vento soprará con forza moderada a alta desde o nordés.

As condicións meteorolóxicas deste mércores incluirán nevadas en zonas montañosas a partir dos .,200 metros durante as primeiras horas, aínda que a cota ascenderá ao avanzar o día. Os ventos soprarán con intensidade moderada a forte, especialmente na costa norte da Comunidade, o que podería incrementar a sensación de frío na rexión.

Ceos máis despexados o xoves, pero con posibilidade de choivas ao final do día

Para o xoves, Galicia atoparase baixo a influencia conxunta dun anticiclón sobre Irlanda e un sistema de baixa presión ao suroeste da península. Este patrón traerá ceos parcialmente despexados, aínda que se esperan chuvascos no sur da rexión e en áreas costeiras durante as últimas horas do día. As temperaturas aumentarán moderadamente, e os ventos continuarán do nordés, intensificar no litoral norte e noroeste.

Venres sen alertas e con temperaturas en ascenso

Xa para o venres, Galicia permanecerá nunha situación intermedia entre un anticiclón no Atlántico, ao norte dos Azores, e un sistema de baixas presións próximo ao Algarve. Isto provocará ceos maiormente nubrados, coa posibilidade de choivas ocasionais nalgunhas zonas da Comunidade. As temperaturas rexistrarán un leve ascenso, mentres que os ventos do leste serán moderados en xeral, aínda que na costa norte e noroeste poderían alcanzar intensidade alta pola mañá, para logo diminuír durante a tarde.