Quen é IGNIS, o investidor que entraría en Alcoa San Cibrao por un pacto que enfurece aos traballadores?
Aínda hai moitas dúbidas sobre que supón que o fondo de investimento vaia comprar só o 25% dunha planta que Alcoa leva anos dicindo que non é rendible. Por agora, os traballadores ven "posibles delitos de descapitalización, estafa, substracción de bens e outros". Espéranse manifestacións duras tras a asemblea de hoxe.
Alcoa anunciou que está a avanzar nas negociacións con Ignis EQT para alcanzar un acordo de cooperación estratéxica que apoie o futuro das operacións da súa planta de aluminio en San Cibrao, Galicia. Segundo o comunicado emitido pola compañía, o acordo proposto contempla que Alcoa achegaría 75 millóns de euros, mentres que Ignis EQT realizaría un investimento inicial de 25 millóns de euros para financiar as operacións da planta.
É o primeiro principio de acordo sobre Alcoa San Cibrao desde que os americanos desataron unha crise hai varios anos tras anunciar que ían vender ou pechar a planta, pois non lles é rendible. É un pacto sorprendente, porque implica que non se vende a planta a outro investidor, simplemente dáse entrada a un fondo cunha participación minoritaria. Será isto suficiente?
Baixo os termos do acordo en negociación, Alcoa continuaría xestionando as operacións en San Cibrao, mentres que Ignis EQT adquiriría unha participación do 25% na planta. Esta colaboración busca asegurar a continuidade e viabilidade das operacións na fábrica galega, que enfrontou graves desafíos económicos nos últimos anos.
O anuncio foi recibido positivamente por diversos actores, incluíndo o Goberno español e a Xunta de Galicia, que expresaron o seu apoio ao principio de acordo. Para as administracións, A noticia é considerada un paso importante para o futuro da planta e o mantemento do emprego na rexión.
Con todo, é importante sinalar que, segundo o Grupo Ignis, aínda non se trata dun acordo asinado, senón dunha negociación en proceso.
O comité de empresa de Alcoa San Cibrao reuniuse de urxencia para analizar os detalles do posible acordo e as súas implicacións para os traballadores e o futuro da planta. A súa reacción por agora non é boa.
Segundo informa o comité este xoves, planean unha denuncia penal contra Alcoa por saltar o pacto de viabilidade da fábrica. A denuncia exporíase por "posibles delitos de descapitalización, estafa, substracción de bens e outros", para o que han consultados varios penalistas "do máis alto prestixio e experiencia noutras denuncias por estafa contra Alcoa".
A tensión na asemblea convocada para hoxe será máxima. De feito, o comité de empresas, nun comunicado inusual, pide aos traballadores que manteñan a "cabeza fría" para evitar incidentes.
Que é, a que se dedica e cúal é a historia de Ignis?
Escribe o teu comentario