CSIF reclama que os celadores sexan considerados persoal sanitario
A Central Sindical Independente e de Funcionarios (#CSIF), sindicato maioritario nas administracións públicas a nivel estatal -en Galicia é CIG-, solicitou que os celadores sexan clasificados como persoal sanitario dentro do Sistema Nacional de Saúde (SNS).
É unha demanda histórica do colectivo, que en Galicia esgrimen a miúdo, entre outros, profesionais da área sanitaria de Pontevedra. En Galicia hai uns 1.300, aproximadamente, celadores no SERGAS.
Ademais, CSIF pide unha mellora nas súas condicións salariais que reflicta a cualificación e competencias inherentes ao seu traballo.
Durante as XXIII Xornadas Nacionais do Celador, celebradas do 15 ao 17 de maio no Hospital Nacional de Parapléxicos de Toledo, CSIF destacou o labor esencial pero insuficientemente recoñecida destes profesionais. Este colectivo foi un dos primeiros en recibir a pacientes con COVID-19 sen ser considerados persoal de risco pola administración.
#CSIF dirixiu ao Ministerio de Sanidade unha petición para a reclasificación e actualización das competencias dos celadores, vixentes desde 1971. Propón a creación dun módulo de grao medio de Formación Profesional Sanitaria que recoñeza a importancia e complexidade do seu labor. Así mesmo, avoga pola mellora das súas condicións laborais e retributivas, adaptándoas á penosidad do seu traballo.
Estas demandas están apoiadas por unha enquisa realizada polo sindicato a máis de 3.800 celadores en toda España. Dos enquisados, o 82% expresou o seu desexo de ser considerado persoal sanitario, mentres que o 77% solicitou unha formación específica que mellore as súas funcións e competencias.
#CSIF subliña que recoñecer aos celadores como persoal sanitario e mellorar as súas condicións é fundamental para reflectir adecuadamente a importancia do seu labor no SNS.
Escribe o teu comentario