Quirónsalud A Coruña recoñecido como mellor hospital en Urxencias nos Premios BSH - Best Spanish Hospitals Awards

O Hospital QuirónSalud da Coruña foi recoñecido como mellor hospital de España na categoria de mellor xestión hospitalaria na área de Urxencias, na quinta edición dos premios Best Spanish Hospital Awards que organiza a consultora Higia Benchmarking.

Para a obtención deste premio na categoría de Urxencias avaliáronse unha serie de indicadores deste servizo do centro de relacionados coa calidade asistencias, adecuación, eficacia e seguridade do paciente. Así, entre os indicadores máis importantes analizouse o tempo medio de espera entre o triaje e o inicio da asistencia, a porcentaxe de visitas, o tempo medio de duración da asistencia clínica, a taxa de urxencias potencialmente evitables, a taxa de urxencias ingresadas en hospitalización convencional e a taxa de revisitas antes das 72 horas, entre outros.

Os premios resultaron en estudado nesta edición un total de 143 hospitais de toda España, participando como xurado representantes da Sociedade Española de Directivos de Saúde e a Rede Española de Custos Extrahospitalarios. O comité de expertos que compón o xurado realiza unha posta en valor da excelencia hospitalaria a través da análise de até 80 procesos clínicos prevalentes, con indicadores de eficiencia, adecuación e calidade asistencial, co fin de potenciar o benchmarking, orientado á mellora continua da xestión clínica dos hospitais en España.

O director médico do Hospital QuirónSalud A Coruña, Pablo Asensio, destacou que "este galardón supón un recoñecemento ao traballo e esforzo para ofrecer a excelencia na calidade asistencial". Estes premios teñen como obxectivo dinamizar a integración da calidade asistencial na xestión dos hospitais, o que supón un elemento motivador para os profesionais sanitarios.

As áreas de estudo dos premios BSH abarcan diversos campos: aparello circulatorio, respiratorio, enfermidades infecciosas, sistema nervioso, enfermidades do sangue e sistema inmunolóxico, enfermidades da muller, aparello dixestivo e hepatopancreático, ril e vías urinarias, aparto músculo esquelético, patoloxía de ollo, oído e bucofaríngeo, enfermidades mentais e até 10 procesos da área materno infantil.

Incluíronse ademais, como categorías de participación opcionais, análise dos custos hospitalarios, análises das urxencias hospitalarias e avaliación sanitaria baseada no valor.