O frío, con case -7º hoxe en Viana do Bolo, continuará polo menos até o mércores en Galicia
O paso dos temporais da última semana deron lugar a un anticiclón que predonima na Comunidade galega e que deixou xeadas por todo o territorio, con temperaturas baixo cero en boa parte do interior. Así, Viana do Bolo foi o municipio que, durante a noite, fixo descender o mercurio máis abaixo, cun rexistro de 6,4 graos baixo cero.
Meteogalicia prevé no seu boletín de avisos alerta amarela no suroeste da provincia de Ourense por temperaturas baixas, aínda máis que as de hoxe, a partir das 00 horas do martes.
A previsión do tempo para o luns, o martes e o mércores é de días e noites con poucas nubes pero con temperaturas que non superarán os 15 graos na costa e os 10 no interior. De feito, en Lugo capital prevense varias xornadas consecutivas con valores por baixo de cero.
As urbes de Ourense e Lugo xa soportaron xeadas, con temperaturas na contorna dos dous graos baixo cero esta madrugada. Con todo, non son nada cos valores de -10 graos baixo cero que se prevén para o norte da Península Ibérica.
O paso dos temporais da última semana deron lugar a un anticiclón que predonima na Comunidade galega e que deixou xeadas por todo o territorio, con temperaturas baixo cero en boa parte do interior. Así, Viana do Bolo foi o municipio que, durante a noite, fixo descender o mercurio máis abaixo, cun rexistro de 6,4 graos baixo cero.
Ademais, sen saír de Ourense, os municipios de Baltar, Verín e Xinzo de Limia rexistraron temperaturas baixo cero, con -5,8, -5 e -4,7 graos. Pola súa banda, sempre falando de termómetros situados en localidades máis baixas de 900 metros sobre o mar, en Sarria (Lugo) o mercurio situouse nos 5,2 graos baixo cero.
En canto ás estacións que están a máis de 900 metros, A Mezquita (Ourense) tivo un rexistro de -4,8 graos, igual que na Veiga, tamén na mesma provincia.
En Pedrafita do Cebreiro (Lugo), o termómetro baixou até os 4,4 baixo cero; mentres que, na cabeza de Manzaneda (Ourense) rexistrou -3,9 graos e en Vilariño de Conso (Ourense), -3,7 graos.
Segundo recolle a web de Meteogalicia, para este martes hai aviso amarelo por baixas temperaturas no sur da provincia de Ourense, entre as 00,00 horas e as 9 da mañá, por temperaturas máis baixas de 4 graos negativos.
Escribe o teu comentario