Sete novos falecidos engordan a cifra de vítimas de Covid ata as 3.869 desde o estalido da pandemia

O último informe do SERGAS detalla un aumento de sete morte máis nas últimas horas, aínda que son números que ben poden ser recompilados durante, polo menos, o últimos catro días. É un aumento menos significativo do que podería esperar, pero que segue representando un número moi alto á luz dos casos activos que hai na comunidade nestes momentos.

Uns casos activos que hoxe crecen, con 45 casos máis en 24 horas. Non representan unha subida maior que o descenso de onte, de 72 casos, pero achegan a Galicia a esa "perigosa" estabilidade e á freada na melloría da pandemia. Falamos, en calquera caso, dunha subida pouco relevante e a primeira en cinco días. 

Tamén crecen os contagios coa maior cifra de novos positivos da última semana, con 159 casos confirmados. Pola outra banda, hai que festexar que os hospitais recuperan certa normalidade ao liberar camas ocupadas. Onte subían os ingresados ata os 173, ao contar tres novos pacientes. Hoxe son 170, polo que restamos, de novo, tres pacientes. Os hospitais non preocupan e teñen marxe, pero se a Covid-19 empeza a subir a medida que nos vaiamos penetrando no outono, o comportamento pode ser impredicible. 

A incidencia acumulada semanal baixa ata os 27 positivos por 100.000 habitantes, sendo a mellor cifra desde o 13 de novembro de 2021. A incidencia acumulada a 14 días tamén aguanta á baixa porque é un índice menos proclive aos cambios de rumbo. Cando esta incidencia empece a crecer, será cando esteamos seguros de que a melloría se ha terminado. Está nos 65 casos por cada 100.000 habitantes, tres menos desde onte. Tamén este indicador retárdase. 

A razón de taxas leva días ofrecendo un comportamento errático, con subidas e baixadas sen atopar equilibrio. O indicador hoxe mellor,  baixando ata o 0,82, aínda que só representa un descenso do 0,01. Significa que en última semana houbo un 18% de positivos menos que na penúltima. A pesar de todo, os datos indican que a melloría está a ser sostida no tempo, xa que era moi difícil manter o ritmo de descenso da semana pasada, pero parece que ao frearse os contagios, a caída segue sendo pronunciada. 

A semana pasada, pola outra banda, había indicadores que daban síntomas de fatiga. É o caso da positividade, que se disparou a niveis similares aos que marca hoxe, por encima do 15% despois de practicar 374 probas PCR nas últimas horas. A positividade media, en cambio, segue baixando, ata o 16,8%.

TRES CAMBIOS DE MÉTODO ESTES MESES

Hai que lembrar que co sistema implantado, só fanse probas a persoas maiores de 60 e colectivos especialmente vulnerables, enfermos de cancro ou asmáticos, por exemplo. Tamén ha profesionais sanitarios e traballadores de residencias.

Agora tampouco se suman os positivos de autotest caseiros, que eran maioría no anterior sistema. Isto provoca que os índices de sexan moitísimo máis baixos do que é a transmisión real. 

O cambio de método de seguimento da transmisión produciuse a finais de marzo. Houbo outro cambio de forma de contar posterior, en hospitalización. O SERGAS reduciu o número de días que unha hospitalizado conta como enfermo de covid. Isto reduciu artificialmente a cifra de hospitalizados executouse na penúltima semana de abril.

Nos últimos meses houbo un terceiro cambio estatístico produto da polémica estratexia de 'gripalización', en falecementos. A finais de maio a Xunta deixou de contar todos os mortos con covid. O SERGAS agora só informa dos decesos nos que considera que o coronavirus xogou un papel crave, algo que non deixa de ser moi subxectivo. Isto tamén provocou a rebaixa artificial da curva de falecementos.  

EVOLUCIÓN DOS CASOS ACTIVOS

O total de infectados sobe hoxe case un 2,9%. O aumento é de tan só 45 casos máis, como diciamos, e nin sequera cobre o descenso rexistrado onte. Xa a semana pasada rexistráronse pequenos repuntes a finais de semana. Talvez mañá apuntemos uns algarismos similares, pero sábado é moi probable que volvan caer os casos activos polas altas concedidas o venres. 

A media semanal segue caendo, hoxe de forma pronunciada, ao precipitarse ata o -4,45%. Trátase dun 0,16 peor que onte. É un ritmo pronunciado todavia e que está a aguantar no tempo, que é o realmente relevante. Con todo, á vista destes datos, a semana que vén poderiamos aproximarnos a unha nova fase. 

DATOS POR ÁREAS

As áreas sanitarias si experimentan cambios relativos, con aumentos destacados na Coruña, con 22 casos máis, e Pontevedra, con once máis. No lado contrario vemos a Ferrol, que perde nove casos. A área departamental é a única que baixa. 

Vigo e Santiago empatan en casos activos, ao atoparse en 212 ao sumar sete e catro casos máis. Ourense sobe en cinco e Lugo en catro máis. 

ANÁLISE ACTUAL E EVOLUCIÓN POSIBLE

Con estas estatísticas, a inferencia que se pode realizar é:

• A melloría de Galicia non é fulgurante, pero é sostida, a pesar de pequenos repuntes como o desta xornada. Cabe destacar que o 7 de xullo había máis de 18.000 casos activos en Galicia, e hoxe son 1.615. En menos de mes e medio o cambio é máis que notable. 
• Con todo, si hai que facer mención aos días festivos, que poden enturbar un pouco a realidade da pandemia en Galicia, por moito que os datos parezan robustos. Toca estar especialmente atentos á evolución dos próximos días. 
• Os hospitais si varían hoxe, e para ben. Hai 170 hospitalizados nas áreas destinadas á atención dos enfermos de Covid-19, tres menos desde onte. Segue sendo unha cifra alta, pero os centros contan con suficiente marxe como para absorber a estes pacientes.
• Por experiencias anteriores, é recomendable seguir extremando as precaucións mentres non se administra a cuarta dose aos grupos máis vulnerables. 
• De producirse unha nova onda, oxalá non sexa tan masiva como a anterior. Hai que ter en conta as elevadísimas cifras de mortes que deixou a de xuño. Son 3.869 decesos, segundo as cifras oficiais da Xunta, desde o estalido da crise sanitaria, sete máis desde a última actualización. Hai que ser especialmente cautos, xa que os óbitos poderían subir rapidamente nos próximos días.