Veciños de Ames reclaman unha liña Milladoiro-Santiago accesible

A formación UCIN (Unión de Cidadáns Independentes de Ames) fixo eco estes días das constantes denuncias por parte dos veciños de Milladoiro que lamentan o "pésimo servizo" da liña de autobús que une esta localidade con Santiago.

José Luis Calo, coordinador de UCIN en Ames, recolleu tamén as queixas que subiron os amienses ás súas redes sociais. Apunta que "os problemas se iniciaron tras a entrada en vigor do novo Plan de Transporte de Viaxeiros por Estrada establecido pola Xunta de Galicia". Este plan supuxo que a empresa adxudicataria da liña Milladoiro Santiago pasase de ser Autobuses Calo a Monbús.

UCIN declara que a gran maioría dos servizos de transporte "non cumpren coa normativa europea nin a Lei de Accesibilidade Universal". Para eles supón unha diminución na calidade do transporte, xa que afecta a moitas persoas con problemas de mobilidade usuarias e que levan a menores en cadeira. José Luis Calo declarou que "Ames é un dos concellos con máis natalidade de Galicia e os pais ven imposibilitados a acceder con carriños de bebés ao servizo". Segundo afirman outros cidadáns de Ames, hai algunhas liñas que mesmo non inclúen rampla de acceso.

Desde UCIN alertan que “primaron interéselos partidistas na concesión ante o beneficio dos cidadáns” e por iso demandan "unha actuación urxente e de calidade por parte da Xunta de Galicia en busca dunha solución ante tal diminución de servizos públicos".