Arrinca xullo con 667 hospitalizados por Covid-19 en Galicia; o ano pasado, por estas datas, eran apenas 47

Se botamos a vista atrás, adoitamos dicir que o peor da pandemia xa pasou. Afortunadamente, é así, grazas á alta taxa de vacinados que provoca que as UCI conten con tan só 22 ingresados, unha cifra que, non por baixa, deixa de ser menos dramática e preocupante.

Con todo, se nos retrotraemos ao 1 de xullo de 2021, vemos unha Galicia na que había 1.900 casos activos e 46 hospitalizados. É certo que entón a tendencia era á alza, pero hoxe, un ano despois e tamén cunha tendencia á alza, os casos activos son 15.599 e os hospitalizados 667. A estratexia de gripalización, ante estes datos, queda moi en dúbida. 

Naquel momento, o tope de casos alcanzouse ás portas de agosto, rozando os 18.000. Pero entón, practicábanse 7.000 PCR de media -hoxe supera, por pouco, o milleiro, cousa cada vez menos habitual- e a estratexia da Xunta á hora de contar os casos, centrados nos maiores de 60 e grupos de risco, ademais de non contar aos positivos en autotest, era moito menos laxa. Tamén había moitas menos persoas coa pauta completa, pero o tope de hospitalizados por aquel momento nunca superou as 300 camas ocupadas. Hoxe dobra esa cifra e vai camiño de triplicala con esta tendencia.

Miremos onde miremos, as cifras hoxe son malas, moi malas, e leva sendo así varios días. A tendencia, insistimos, é á alza. As reunións, a alta mobilidade e a relaxación do conxunto da sociedade non axudan a conter unha onda con trazos de expansión que lembran á de Nadal, aínda que por entón o sistema da Xunta, lembramos, era distinto. É importante lembrar que, o 20 de xaneiro de 2022, había máis de 80.000 casos activos de coronavirus en Galicia. 

A incidencia acumulada semanal sobe 32 puntos ata 342 positivos por 100.000 habitantes.  A incidencia acumulada a 14 días tamén crece, con 20 puntos, ata os 608 casos por 100.000 habitanes. Os dous índices de transmisión levan á alza desde principios de maio. Tras certa desaceleración pola ponte, cando se distorsionaron os datos parcialmente polos festivos, empezan a crecer outra vez a máis e máis velocidade.  

O dobre da incidencia a 7 días cada vez é algo máis maior que a incidencia a 14 días. A razón de taxas é hoxe de 1,13, por tanto na última semana houbo un 13% de positivos máis que na penúltima. O 23 de abril foi a última vez que atopamos unha referencia cuns datos igual de malos neste capítulo.E non hai visiso que de vaia a caer. Empeoramos, e cada día un pouco máis.
 

Se nos detemos na taxa de positividade, poderiamos dedicarlle horas á súa análise, xa que escala ata o 62,9%. Practicamente tres de cada cinco test lanzaron un resultado positivo. É consecuencia da estratexia da Xunta. O que importa, a media semanal, que tampouco deixa de crecer, e atópase nunha cifra récord, por encima do 50%. 

TRES CAMBIOS DE MÉTODO ESTES MESES

Hai que lembrar que co sistema implantado, só fanse probas a persoas maiores de 60 e colectivos especialmente vulnerables, enfermos de cancro ou asmáticos, por exemplo. Tamén ha profesionais sanitarios e traballadores de residencias.

Agora tampouco se suman os positivos de autotest caseiros, que eran maioría no anterior sistema. Isto provoca que os índices de sexan moitísimo máis baixos do que é a transmisión real. 

O cambio de método de seguimento da transmisión produciuse a finais de marzo. Houbo outro cambio de forma de contar posterior, en hospitalización. O SERGAS reduciu o número de días que unha hospitalizado conta como enfermo de covid. Isto reduciu artificialmente a cifra de hospitalizados executouse na penúltima semana de abril.

Nos últimos meses houbo un terceiro cambio estatístico produto da polémica estratexia de 'gripalización', en falecementos. A finais de maio a Xunta deixou de contar todos os mortos con covid. O SERGAS agora só informa dos decesos nos que considera que o coronavirus xogou un papel crave, algo que non deixa de ser moi subxectivo. Isto tamén provocou a rebaixa artificial da curva de falecementos.  

EVOLUCIÓN DOS CASOS ACTIVOS

O total de infectados ascende hoxe un 4,1%. Son 617 máis en 24 horas, preocupante, pero menos da metade dos máis de 1.200 reportados nos dous últimos días. 

O problema non é o dato de hoxe, é a tendencia semanal, que é o importante. Hoxe repunta significativamente, confirmando que o alivio que vivimos días pasado era probablemente unha ilusión estatística, produto do efecto ponte. A media móbil semanal acariña o 3% de crecemento, cifra non vista desde o 26 de abril. Imos camiño de fulminarla. 

DATOS POR ÁREAS

Os datos das áreas sanitarias non son nin moito menos alentadores. Advertimos que Santiago e A Coruña son as que describen a evolución máis pronunciada, mentres que outras, como Vigo e Pontevedra, hoxe crecen nos seus algarismos, pero de forma menos profusa: 21 máis a olívica; sete máis a súa veciña. 

ANÁLISE ACTUAL E EVOLUCIÓN POSIBLE

Con estas estatísticas, a inferencia que se pode realizar é:

• A estratexia de gripalización deixa uns datos moi preocupantes. Case 700 hospitalizados en Galicia, só pola Covid-19, e en pleno xullo, momento no que se produce peche de camas e os sanitarios reciben as súas merecidas vacacións, a sanidade pública podería cambalearse ante unha previsibile avalancha de enfermos de Covid. Pode manexalo o SERGAS? Si, porque xa o fixo con 1.300 hospitalizados. Pero entón a sanidade contaba con máis efectivos e as especialidades como medicina interna non vivían un momento tan crítico como o de hoxe... Hai que engadir a isto o efecto incerto que o turismo nacional e internacional pode ter sobre a sanidade. É pronto para facer conxecturas respecto diso. 
•  

• E é que pandemia está nuns niveis de transmisión moi elevados. Aínda non tan altos como os desmesurados que houbo na primavera, pero preto de igualalos e de superalos mesmo. 
• Os datos borran toda esperanza de que o pico desta onda estival poida estar preto. A relaxación dalgúns indicadores en días previos parece que foi unha distorsión provocada pola ponte. 
• A cuestión é, ata que punto pódeo pasar mal o SERGAS? Desde logo, e como incidimos ao principio da peza, grazas ás vacinas, non debese haber problemas nas UCIs. Os pacientes que se poñen graves son moitísimos menos en proporción e, ademais, unha parte deles son persoas con saúde tan delicada que nin sequera pasan pola planta de críticos antes de falecer. Con todo, si hai que incidir nas cinco mortes anotadas nas últimas horas; 39 en cinco días. Son uns tres falecidos por día, o que deixa unha perspectiva de 1.200 nun ano, aproximadamente. A maioría persoas maiores, aparentemente vidas menos valiosas, á vista do trato que dispensan as autoridades e o conxunto da cidadanía.