Dez detidos no Salnés nunha operación contra o tráfico de cocaína que permanece aberta

Unha operación da Garda Civil contra o narcotráfico con epicentro na comarca do Salnés (Pontevedra) deixou, de forma global, unha decena de detidos pola súa presunta relación coa entrada de cocaína na costa galega, segundo informaron a Europa Press fontes da investigación.

No operativo, que comezou este mércores e está dirixido polo xulgado número 4 de Cambados, tamén colaboran axentes da DEA, a Europol e da Policía Judiciária de Portugal.
 

Así, segundo confirmou o subdelegado do Goberno en Pontevedra, Abel Losada, na provincia producíronse seis detencións e realizáronse 11 rexistros, algúns deles en Vilanova de Arousa, concretamente na parroquia de Baión. Tamén houbo rexistros en Madrid.

Entre a arrestados figura un cidadán de nacionalidade colombiana, detido á primeira hora desta xornada en Cambados, acusado de liderar unha organización dedicada presuntamente ao tráfico de estupefacientes a gran escala, segundo detallaron as citadas fontes.