Un detido e incautadas 162 plantas e 7 quilos de marihuana en Valga

Efectivos do Equipo de Investigación da Garda Civil de Caldas de Reis (Pontevedra) incautaron 162 plantas de marihuana e 7 quilogramos de cogollos desta planta nun domicilio de Valga. Así mesmo, detiveron como presunto autor do delito a un home de 53 anos de idade, ao cal lle constan numerosos antecedentes policiais.
 

Segundo informou a Garda Civil nunha nota de prensa, os axentes que se fixeron cargo da investigación lograron corroborar, en primeiro lugar, a sospeita que mantiñan sobre a existencia dunha plantación de marihuana nesta localidade. Unha vez comprobada, procederon á detención do presunto autor tras unha entrada e rexistro no seu domicilio.

No rexistro incautáronse un total de 162 plantas, das cales 121 son de tamaño medio e 41 de tamaño pequeno, ademais duns sete quilogramos de cogollos, dispostos para a súa venda e distribución.

Tamén se aprehendieron dispositivos eléctricos (medidores, reguladores, temporizadores e transformadores), así como equipos de luz, como paneis fluorescentes, lámpadas de haluro de alta presión con campás reflectoras e aparellos deshumidificadores.
 

Os axentes tamén imputaron ao detido un delito de defraudación de fluído eléctrico, tras conseguir localizar no interior da vivenda un enganche ilegal á subministración de electricidade para abastecer a plantación incautada.

As dilixencias foron entregadas no Xulgado de Primeira Instancia e Instrución número 1 de Caldas de Reis, ante o cal terá que comparecer o detido cando sexa requirido para iso.