Conmoción en Campo Lameiro tras o achado de dúas persoas falecidas nun vehículo calcinado
Foron dous senderistas os que sobre as 12.00 horas do sábado localizaron no lugar de Caneda, unha zona forestal, o vehículo calcinado e avisaron ás autoridades
Os veciños do concello pontevedrés de Campo Lameiro seguen conmocionados tras o achado de dúas persoas falecidas nun vehículo completamente calcinado.
O alcalde da localidade, Carlos Costa, asegurou que Campo Lameiro é un concello "pequeno e moi tranquilo" e tras a noticia os veciños están "moi conmocionados".
Foron dous senderistas os que sobre as 12.00 horas do sábado localizaron no lugar de Caneda, unha zona forestal, o vehículo calcinado e avisaron ás autoridades.
Dentro do coche, segundo fontes coñecedoras do suceso consultadas por Europa Press, atopábase unha persoa completamente calcinada e no exterior un home que tiña parte do seu corpo queimada.
Pola súa banda, o subdelegado do Goberno en Pontevedra, Abel Losada, asegurou, na xornada do sábado, que "todas as hipóteses permanecen abertas" e aos cadáveres realizaranlle a proba de ADN para poder identificalos.
O sábado, até o lugar dos feitos achegouse, ademais do alcalde de Campo Lameiro, o alcalde de Moraña, Sito Gómez, e o cura de Campo Lameiro, Fermín Santiago.
Escribe o teu comentario