Deteñen ao presunto autor dun delito de violencia machista tras agredir unha muller e á súa filla

A Policía Local de Pontevedra detivo a home, de 40 anos, como presunto autor dun delito de violencia doméstica e outro de xénero, tras agredir á súa muller e á filla maior dela, de 10 anos.

Segundo informou o Concello de Pontevedra, a detención produciuse a pasada semana tras unha discusión da parella no domicilio familiar no que o detido encarouse coa muller, de 39 anos.

Así, a muller, para tentar afastalo, golpeouno e o home agrediuna e tiroulle dos pelos. Na discusión, o detido tamén empuxou á filla maior da muller, de 10 anos, coa que "habitualmente é desconsiderado", segundo recolleu o parte policial, e como "confirmou a irmá menor, de tres anos".

Pola súa banda, o home "recoñeceu a discusión" de parella e afirmou que fose a muller quen lle pegou a el. A Policía Local detivo ao home como presunto autor de delitos de violencia doméstica e de xénero.