Accidente mortal en Ribadumia: morre o condutor dun tractor ao chocar contra un poste e caerlle encima unha viga
Os feitos ocorreron na tarde de onte mércores, ao redor das 18 horas, na parroquia de Besomaño.
Un home morreu na tarde deste mércores en Ribadumia (Pontevedra) ao caerlle encima unha das viguetas dunha viña mentres conducía un tractor.
Ocorreu na rúa Revolta, parroquia de Besomaño, pouco despois das 18.00 horas. Era un veciño quen chamaba ao 112 para alertar de que o implicado chocara co vehículo contra unha columna e que isto provocara que a viga se caese, aínda que varias persoas xa a conseguiron retirar.
Con estes datos, a central de emerxencia solicitou a intervención da Garda Civil, dos bombeiros do Salnés, de Protección Civil e de Urxencias Sanitarias-061, que desprazou até o punto a un helicóptero medicalizado.
Os bombeiros ocupáronse de facilitar a liberación do home, do que os profesionais médicos só puideron confirmar o seu falecemento.
Escribe o teu comentario