Morre en accidente un home que conducía o seu tractor en Gondomar
Segundo informa o 112 Galicia, os feitos ocorreron pasadas as 11.00 horas e foi un particular o que alertou aos servizos de emerxencia, explicando que a vítima estaba atrapada e sen signos vitais
Un home, J.D.F. de 73 anos de idade, perdeu a vida na mañá deste venres en Gondomar (Pontevedra) tras sufrir un accidente de tractor.
Segundo informa o 112 Galicia, os feitos ocorreron pasadas as 11.00 horas e foi un particular o que alertou aos servizos de emerxencia, explicando que a vítima estaba atrapada e sen signos vitais.
En concreto, o sinistro produciuse no lugar de Galisteo, na parroquia de Mañufe. Até alí desprazouse unha ambulancia de servizo vital básico do 061, medicalizada co equipo sanitario de Atención Primaria, e os Bombeiros do Porriño.
Unha vez no punto, liberouse ao home, pero os sanitarios non puideron máis que confirmar a súa morte, sendo J.D.F. de 73 anos de idade, segundo fontes do 061 consultadas por Europa Press.
Escribe o teu comentario