Macroperación contra o narcotráfico con rexistros en Cerdedo Cotobade e localización dun laboratorio de cocaína
Por agora non se coñecen moitos detales da acción, pero parece de embergadura, pois está coordinada pola Audiencia Nacional e xa hai case 20 detidos por toda España, algúns estranxeiros procedentes de Colombia e México.
Unha operación antidroga da Policía Nacional baixo a dirección da Audiencia Nacional (AN) deixou 18 detidos por participar nunha organización composta por cidadáns mexicanos e colombianos que presuntamente controlaban un laboratorio de cocaína, segundo informaron a Europa Press fontes policiais.
A operación desenvólvese desde o martes en Galicia, Madrid, Bilbao e Las Palmas de Gran Canaria, contando para iso con axentes da Brigada Central de Estupefacientes baixo a coordinación do Xulgado Central de instrución número 2 da Audiencia Nacional.
O municipio de Cerdedo-Cotobade, na provincia de Pontevedra, foi un nos que se despregaron os especialistas na loita contra o narcotráfico para desmantelar un laboratorio para o procesado a gran escala de cocaína no marco dunha investigación que foi declarada secreta.
Escribe o teu comentario