Iñaki Anasagasti: “Rodríguez Zapatero é un chavista máis”

O político do PNV, Iñaki Anasagasti (Venezuela, 1947), criticou a postura do actual goberno de España ante a situación que vive Venezuela tras o ataque dos EEUU e a detención de Nicolás Maduro. O veterano político, reclamou a Pedro Sánchez recoñecer a Edmundo González Urrutia como presidente electo de Venezuela e felicitar a María Corina Machado polo seu premio Nobel.

Anasagasti fixo estas declaracións en RTVE 24 horas onde non dubidou en responder que está “encantado” coa detención de Maduro. “É un ditador porque nove millóns de venezolanos tivéronse que ir de Venezuela”.

Non escatimou críticas ao goberno español que “non recoñeceu a Edmundo González como presidente” e lembrou “a encerrona que lle fixeron na embaixada de España en Caracas”. A ollos do político nacionalista vasco, Sánchez non pode ser mediador cando non definiu a súa postura con respecto a González.

ZAPATERO, UN CHAVISTA

Mención especial tivo para o expresidente do Goberno José Luís Rodríguez Zapatero, quen foi mediador en varias ocasións entre Venezuela e instancias internacionais. Segundo Anasagasti, “Zapatero fixo carreira en Venezuela e as súas fillas tamén”,

En relación a isto, Anasagasti mencionou un encontro informal que mantivo con Pedro Sánchez durante o enterro do político socialista Txiki Benegas. Sánchez, nara o político vasco, achegouse a el e “díxome sobre Venezuela: 'isto ten que cambiar'”. Naquel momento Pedro Sánchez era deputado.

Con todo, lembra que houbo un xiro con respecto a Venezuela desde que Sánchez preside o Goberno de España. Culpa desta situación ás posicións de Sumar e Podemos “que condenaron a acción de EEUU en Venezuela” pero “non din nada sobre Ucraína”.

Tamén lembrou o encontro entre o exministro José Luís Ábalos e a actual presidenta venezolana Delcy Rodríguez no aeroporto de Barajas e que “non se creou unha comisión de investigación sobre este asunto”

INTERVENCIÓN

Sobre a intervención de EEUU manifesta estar “encantado” co encarceramento de Maduro. Con todo, esgrimiu as súas dúbidas ante a futura actuación do goberno Trump: “#EEUU é un desastre, lembremos o de Iraq e Afganistán”.

Iso si, móstrase “encantado” de que se capturou a Maduro e entregado á Fiscalía en Nova York. Considera que a acción foi, en parte, consecuencia da inacción das instancias internacionais como o Tribunal da Haia ou a ONU, que non conseguiron defenestrar a Nicolás Maduro.

“Non creo na intervención estranxeira sobre outros países” pero considera que esta acción é mellor que non facer nada durante os últimos anos.