Última axuda a Besteiro por parte de Sánchez: "A caída de Rueda e Feijóo é como o cambio, imparable"

O líder do PSOE e presidente do Goberno, Pedro Sánchez, deu un último impulso ao candidato do PSdeG á Presidencia da Xunta, José Ramón Gómez Besteiro, no peche da campaña para as eleccións autonómicas galegas e avisou: "A caída de Rueda e Feijóo é como o cambio en Galicia, imparable".

O líder dos socialistas visitou unha vez máis Galicia na campaña, na que se deixou ver media ducia de veces na Comunidade, para apoiar ao aspirante socialista. Nesta ocasión participou no mitin de peche de campaña que o PSdeG organizou na capital galega e ao que asistiron unhas 1.500 persoas --segundo os datos da organización--.

Sánchez asegurou que o PSOE o partido que sabe gobernar o cambio e chamou aos galegos a concentrar todo o voto no partido que "sabe gobernar o cambio" e que, segundo indicou, é o PSOE.

"Esa é a utilidade do voto", dixo nun mitin no que apelou aos presentes a aproveitar "até o oito da tarde do 18F" para "falar con todos" os veciños, amigos e familiares e pedirlles "que non queden en casa". "Que voten ao PSOE e que haxa un goberno do cambio", con José Ramón Gómez Besteiro como presidente.