Israel retén á deputada Ana Miranda (#BNG) durante 6 horas antes de expulsala

Por vez primeira na súa historia, a democracia israelí está gobernada por unha coalición entre a dereita populista -Likud- e as ultradereita relixiosa ortodoxa, o que se traduce nun endurecemento da represión aos palestinos, que aumentaron á súa vez os ataques terroristas, e os seus aliados ideolóxicos

Miranda participou nunha das chamadas 'flotillas da liberdade' que se organizaron en solidariedade cos activistas e xornalistas asasinados por comandos israelís cando pretendían levar axuda á Franxa de Gaza, que Israel converteu na práctica nun gueto árabe

A postura oficial do Parlamento Europeo, reiterada este inverno, é que Israel e Palestina negocien a paz sobre as fronteiras de 1967 establecendo dous estados independentes que compartan capital en Israel, algo que ambos os bandos insisten en que é inaceptable

As autoridades de Israel denegaron este martes a entrada ao país á eurodiputada do BNG Ana Miranda, que formaba parte dunha delegación do Parlamento Europeo que visita estes días os territorios palestinos.

A propia eurodiputada denunciou o caso en redes sociais, asegurando que Israel veta a súa entrada pola súa participación na flotilla internacional de apoio humanitario a Gaza en 2015. "Unha afronta diplomática, falta de respecto á Eurocámara e penalización por participar na Flotilla Internacional de 2015", afirmou Miranda.

Segundo explicou o seu partido nun comunicado, tras ser retida no control da fronteira no aeroporto de Tel Aviv durante máis de seis horas, Miranda foi avisada da súa expulsión con "total falta de respecto e arrogancia", sendo relocalizada nun voo a Madrid.

"Que finalmente non me deixen entrar é o prezo a pagar por defender os Dereitos Humanos e denunciar a ocupación e o apartheid que Israel practica co Pobo Palestino", sinalou a representante do BNG.
 

VETO A OUTRO PARLAMENTARIO ESPAÑOL
Fontes parlamentarias consultadas por Europa Press confirmaron o caso, que se suma ao choque entre Israel e a Eurocámara polo xefe da delegación aos territorios palestinos, o eurodiputado de EU, Manu Pineda, que non recibiu o visto e prace das autoridades israelís para realizar a visita, a segunda vez en menos dun ano que isto ocorre.

O pasado mes de maio ocorreu o propio e entón toda a delegación decidiu cancelar a viaxe pero nesta ocasión Pineda pediu ao resto de membros que manteñan a misión.