Diego Calvo e Román Rodríguez, os únicos conselleiros que poderían suceder a Rueda ao seguir de deputados
Feijóo habitualmente ordenaba dimitir a todos os seus conselleiros como parlamentarios, salvo aos vicepresidentes. Rueda non escolleu vicepresidentes pero si mandou renunciar a todos os conselleiros ás súas actas, salvo aos titulares de Presidencia e Educación, o que lles factulta, segundo indica o Estatuto, para substituír ao presidente, no caso de que este cesamento por algún motivo. Isto colócaos, en teoría, como os sinalados nunha hipotética carreira sucesoria.
Os conselleiros que foron elixidos deputados nas pasadas eleccións autonómicas do 18 de febreiro, excepto Diego Calvo e Román Rodríguez, deixarán a súa acta en Parlamento de Galicia para centrar no seu labor na Xunta.
As renuncias, segundo informaron a Europa Press fontes próximas ao presidente, iranse materializando nos próximos días, de forma que no próximo pleno ordinario da Cámara, que se celebrará os días 11 e 12 de xuño, poidan tomar posesión as persoas que os substitúan.
Si manterán o escano o conselleiro de Presidencia, Xustiza e Deportes, Diego Calvo, e o titular de Educación, Ciencia, Universidades e FP, Román Rodríguez.
Así, no caso de que Rueda tivese que renunciar por calquera razón, algún deles podería entrar na terna de aspirantes ante unha hipotética sucesión presidencial.
En concreto, Diego Calvo (San Sadurniño, 1975) preside o PP da Coruña. Aínda que foi vicepresidente primeiro da Xunta na pasada lexislatura, neste mandato o presidente Alfonso Rueda decidiu suprimir as dúas vicepresidencias tras a súa primeira vitoria electoral nas urnas como candidato á Presidencia.
Ademais, Calvo ostentou distintas responsabilidades e foi o primeiro delegado territorial da Xunta na Coruña, un cargo que naquel entón estaba precisamente ás ordes de Alfonso Rueda. Tamén ten experiencia na xestión local, tendo en conta que foi concelleira de Ferrol e presidente da Deputación coruñesa.
Pola súa banda, Román Rodríguez (Lalín, 1968) é Licenciado en Xeografía e Historia e doutor en Xeografía. É un conselleiro veterano tras entrar a formar parte do Goberno galego en 2015. Precisamente, foi concelleiro en Lalín e no 2009 deu o salto ao Parlamento de Galicia, onde foi o portavoz do PPdeG en educación. A súa repetición no departamento educativo entendeuse como un respaldo á súa xestión nun sector delicado.
Deste xeito, Rueda mantén a dous dos seus conselleiros como parlamentarios, xa que a lexislación galega obriga a que o presidente da Xunta teña acta no Parlamento e, no caso de que Rueda tivese que renunciar por calquera razón, algún deles podería ocupar o seu posto.
SETE CONSELLEIROS CENTRARANSE NO seu LABOR NA XUNTA
Deste xeito, deixarán a acta no Pazo do Hórreo para centrar no seu labor como conselleiros o responsable de Mar, Alfonso Villares; o titular de Emprego, José González; a conselleira de Vivenda e Infraestruturas, María Martínez Allege; o titular de Facenda, Miguel Corgos; a responsable de Ecomomía e Industria, María Jesús Lorenzana; e a que fóra vicepresidenta segunda na pasada legisaltura e actual conselleira de Medio Ambiente, Anxos Vázquez.
Xa non ostentaban a condición de deputados o Parlamento de Galicia os novos conselleiros: Antonio Gómez Caamaño (Sanidade), José López Campos (Cultura, Lingua e Xuventude) e María José Gómez Rodríguez (Medio Rural).
Escribe o teu comentario