BNG pide investigar os contratos covid da Xunta co marido de Paula Prado e a política critica os “bulos”

Tras a controversia xerada polas recentes revelacións do Salto, que suxiren un aumento significativo nos contratos outorgados á empresa Allwork Vestiario Laboral por parte da Xunta de Galicia, o Bloque Nacionalista Galego (BNG) reclama unha auditoría exhaustiva das adquisicións de material sanitario realizadas durante a pandemia. 

Allwork Vestiario Laboral é unha empresa participada ao 50% polo marido da política conservadora, Francisco Antonio Otero Illodo.  Segundo a citada publicación, foron 145.975,72 euros contratados directamente, sen concurso. Os contratos producíronse despois da súa entrada no accionariado.

O BNG solicitou unha investigación parlamentaria sobre os 38 contratos, que din foron adxudicados mediante o procedemento negociado sen publicidade. Esta é unha vía legal á que a Administración pode recorrer excepcionalmente e que limita a competencia, porque non hai unhas bases públicas en base ás que todas as empresas poidan competir.

Segundo o Bloque, estas adxudicacións poderían ser só unha fracción das numerosas facturas emitidas con escasa información ou sen publicidade durante ese período do inicio da pandemia. Ademais, esixen unha auditoría detallada das facturas relacionadas con máscaras e material sanitario. 

A aludida, a secretaria xeral do Partido Popular de Galicia (PPdeG) optou por non responder verbalmente ás acusacións. Prado limitouse a remitir ao comunicado que publicou o xoves nas súas redes sociais.

Prado rexeita as insunuaciones de trato de favor, cualificándoas de difamación e argumentando que a empresa en cuestión tamén realizou contratos con outras administracións durante a pandemia, independentemente da súa afiliación política. Cita, por exemplo, o Concello de Santiago, que gobernaba entón o PSdeG.

Con todo, o BNG continúa presionando por unha auditoría minuciosa das prácticas de contratación durante ese período, incluíndo a adxudicación de contratos a empresas como Allwork Vestiario Laboral e Moonoff, a compañía compostelá que tivo que retirar un lote de máscaras.

O deputado electo do BNG, Luís Bará, instou hoxe en rolda de prensa a unha revisión exhaustiva destes contratos, alegando un posible enriquecemento de persoas próximas ao poder. Bará salienta que esta práctica non é exclusiva dun só partido político, senón que afecta a múltiples administracións, gobernadas por conservadores e socialistas. Así mesmo, insta o presidente en funcións, Alfonso Rueda, a non desviar a atención cara a outros casos para protexer a figuras políticas relevantes como o seu antecesor no cargo Alberto Nuñez Feijóo.

Paula Prado respondeu ás acusacións remitir a un comunicado previamente emitido nas súas redes sociais, onde lamenta o ataque á integridade da súa familia e suxire que talles denuncias son un intento de desviar a atención de casos de corrupción no goberno central. A pesar da solicitude dunha comisión parlamentaria de investigación sobre a adquisición de material sanitario en Galicia, Prado asegura que a administración xa avaliou os informes relacionados coa xestión da pandemia. Refírese Prado á auditoría do Consello de Contas. Informe dos contables públicos que, por certo, describiu numerosas irregularidades na contratación, aínda que ningunha en concreto relacionada con Allwork Vestiario Laboral.