O CIS adoita infraestimar a PP e BNG e sobreestimar a PSOE nas súas enquisas para Galicia

A campaña electoral en Galicia está marcada en boa parte polas enquisas do CIS.  As sondaxes do instituto público e o último tracking de Nós Diario- cabeceira de liña editorial nacionalista-  son os únicos que abriron a porta a un cambio de goberno na Xunta. Unha pequena minoría entre as decenas de enquisas publicadas no que levamos de ano, como se pode apreciar no resumen de enquisas que regularmente publica Galiciapress.

As forzas da oposición e en particular o Bloque Nacionalista Galego insisten en que as sondaxes están amedrantando aos conservadores.  Eles responden restando crédito ao CIS. Por exemplo, tras a sondaxe desta semana, o PPdeG publicou en redes un infográfico sobre o erro do CIS nas pasadas eleccións autonómicas de 2023.

O certo é que ultimamente se percibe a un PP máis agresivo. Sobre todo, desenterrando argumentos contra o BNG, a quen acusa de querer impor o galego e buscar a inestabilidade ao defender a independencia.

Así as cousas, que grao de fiabilidade teñen as enquisas do CIS en Galicia?  Nesta información, analizamos a marxe de erro das sondaxes do organismo estatal no referido ao tres últimos comicios celebrados na autonomía. 

Nas pasadas eleccións galegas de 2020, o CIS publicou dúas sondaxes, pero só nun fixo unha estimación de repartición de deputados. Foi en xullo , xusto antes das votacións, cando estimou unha pinza de 40-42 deputados para o PPdeG. Sacou 42.

Por tanto, o CIS non fallou entón na súa estimación do resultado conservador. Si fallou, groseramente ademais, na súa estimación dos apoios do PSOE, BNG e rupturistas. Aos socialistas colocounos de segundo con 17 e quedaron 13. É dicir, a administración estatal, que por entón xa gobernaba o PSOE, sobrestimó o resultado do PSdeG. 

Pola contra, o CIS minusvaloró ao Bloque, deu aos de Ana Pontón 13 e conseguiron 19. Como moitos outros, o ente público non logrou albiscar o grao de desastre de Galicia en Común, que pasou de segunda forza a desaparecer. O CIS déralle 8 deputados.

Nas penúltimas eleccións galegas, en 2016 , o CIS prognosticou que o PP sacaría 40 ou 41 escanos. Conseguiu 41. Tamén entón o CIS acertou na súa estimación dos conservadores. Hai que ter en conta que en España en 2016 gobernaba o PP de Mariano Rajoy.

Do mesmo xeito, tamén entón fallou notablemente coas forzas de esquerdas e nacionalistas. Ao Bloque só lle concedeu dous e aos soberanistas foilles mal entón, pero non tanto, sacaron 6. Crise que se explica en parte polos 14 de En Marea, cando o CIS lle deu 16. Ao PSOE estimoulle 14 e conseguiu 16.

Nas antepenultimas eleccións, en 2012 , o CIS si minusvaloró ao PP, pero non moito. Estimoulles 38 e os de Alberto Nuñez Feijóo sacaron 41. Gobernaba España por entón tamén o PP, así que esta minusvaloración non se pode achacar a un rumbo político.

Foi na esquerda onde, outra vez, percíbense fallos de calado. Así, os debutantes de AGE (a coalición que idearon Xosé Manuel Beiras e Yolanda Díaz) sacaron 9 representantes cando o CIS só concedíalles 1. Pola contra, sobreestimó bastante o BNG (sacaron 7 e estimáronlle 13) e ao PSOE (18 fronte a 24).

En definitiva, con estes números sobre a mesa pódese concluír que o CIS, historicamente, en Galicia:

• subestima un pouco ao PPdeG de maneira regular
• non acerta co BNG, unhas veces a favor e outras en contra 
• sobrestima de maneira significativa ao PSOE
• non adoita acertar coa esquerda rupturista, e por bastante, unhas veces a favor e outras en contra.

Hai unha cociña do CIS en contra do Partido Popular de Galicia?

Outra conclusión é que a culpa destas desviacións non parece ser obra ningunha man negra. O CIS ha subestimado un pouco ao PPdeG tanto baixo gobernos socialistas como baixo gobernos conservadores. É dicir, pódese aventurar que unha parte dos votantes conservadores galegos non lle gusta revelar o sentido do seu voto ao CIS. Unha parte tan significativa que, aínda que os técnicos do CIS identifiquen esta tendencia, sempre subestiman ao PP.
 

Así, as cousas hai partido nestas eleccións galegas?, teñen base argumental os que alegan que o PP saca o tema da imposición do galego porque percibe que pode perder a maioría?

A enquisa do CIS para estes comicios dá ao PPdeG un abanico entre 34 e 38. A media é 36. Nas últimas tres eleccións, o CIS deulle, de media, 1,7 deputados de menos. 

36 (media da última pinza do CIS para o PPdeG) máis 1,7 (desviación media do CIS para o PP) é igual a 37,7. A maioría absoluta está en 38. 

A conclusión final é que, aínda que as enquisas son estimacións, hai base estadística para afirmar que nesta ocasión o partido está máis aberto que nas últimas tres eleccións ao Parlamento de Galicia.