O BNG esixe ao Goberno central manter as paradas de autobús no rural de Lugo
O BNG entregou a Néstor Rego, deputado estatal, as máis de mil asinas recollidas contra a redución de paradas de autobús
O BNG urxe unha rectificación por parte do Ministerio de Transportes, Movilidad e Axenda Urbana no mapa de liñas de autobús para si manter as paradas na área rural de Lugo.
A formación nacionalista lucense entregou ao seu deputado no Congreso, Néstor Rego, as máis de mil asinas recollidas durante unha campaña contra a redución das paradas de autobús para que se lle traslade ao Ministerio.
Segundo explica a formación nacionalista, o mapa das línes de autobuses de competencia estatal presentado polo Ministerio de Transportes en abril supón menos parada e roteiros. Isto leva aos nacionalistas para solicitar a comparecencia da ministra no Congreso xa que, insisten, "de non rectificar a súa decisión, desaparecerán un total de 23 paradas en pobos e concellos de Galicia nos percorridos interautonómicos".
Concretamente, na provincia de Lugo os municipios afectados serían A Pontenova, Meira, Guitiriz, O Corgo, Baralla, As Nogais, Pedrafita, Palas de Rei, Monterroso, Chantada e Quiroga.
"O BNG seguirá reclamando ao Ministerio a reformulación da proposta e que priorice o mantemento de servizos de mobilidade como servizos públicos esenciais", remarcou o deputado do Bloque no Congreso.
Con todo, o BNG sinala que "o Goberno non parece ter intención de rectificar a súa postura" xa que nunha das súas respostas ás preguntas rexistradas polo BNG, o Goberno "continúa xustificando a supresión de paradas, alegando que primarán a demanda de viaxeiros entre as diferentes Comunidades autónomas, sen atender ás paradas intermedias".
"Manter estas paradas e liñas é especialmente importante no caso galego, sobre todo nas zonas rurais e de interior, debido a que é a única alternativa, en moitos casos, de transporte público", reivindicou o deputado nacionalista no Congreso, que incidiu en que a supresión prexudicará ás localidades.
Escribe o teu comentario