Morre o golpista Antonio Tejero, protagonista do 23-F, aos 93 anos

Este 23 de outubro, á idade de 93 anos, confirmouse a morte do tenente coronel Antonio Tejero, no seu cada de Valencia. Tejero, nacido o 30 de abril de 1932 na localidade malagueña de Alhaurín el Grande, é coñecido por encabezar o intento de Golpe de estado milital o 23 de febreiro de 1981. 

"'QUIETO TODO O MUNDO!"

Froito do seu intento golpista, lembrado pola súa frase ao irromper no Congreso ao berro de "Quieto todo o mundo!" durante a investidura de Calvo-Sotelo, foi condenado a 30 anos de prisión, aínda que só chegou a cumprir a metade da cadea e foi posto en liberdade en 1996.

O seu rostro foi o que deu a volta ao mundo e o que abre os noticiarios cada 23 de febreiro, lembrando a retención durante máis de 17 horas dos 350 deputados que estaban na Cámara ese día. Os buracos dos disparos, aínda presentes no Congreso dos Deputados, son parte do infame recordo dese día no que se mantiveron firmes nos seus asentos Adolfo Suárez, Gutiérrez Mellado e Santiago Carrillo

Alfonso Armada ou Jaime Milans de Bosch, ambos os falecidos, foron os outros nomes propios dese día, nun intento de golpe militar que non logrou o apoio da coroa, coa mensaxe do rei emérito Juan Carlos I dando o seu apoio á Consitución aprobada no 78 e á democracia que no 81 aínda estaba a dar os seus primeiros pasos tras a morte do ditador Francisco Franco. 

Desde a súa posta en liberade, as súas aparicións públicas foron contadas, sendo coñecido por denunciar a Artur Mas por "conspiración" e a Pedro Sánchez por "traizón a España" por negociar a súa investidura en 2023 con Bildu e os independentistas cataláns. A súa figura segue sendo aclamada por un sector da ultradereita que venera ao golpista e a asasinos do franquismo.