O rei Felipe VI pide compromiso coa democracia e unión entre os españois

Ás 21:00 horas da noite, o monarca Felipe VI de Borbón pronunciaba este sábado, día de Noiteboa, o seu habitual discurso en televisión. A mensaxe do rei puido verse a través de todas as canles de televisión, públicos, privados e autonómicos, fóra da televisión vasca EiTB, que un ano máis ha decido non emitir a mensaxe do monarca.

No seu discurso, o monarca comezou querendo compartir algunhas reflexións sobre o ano 2022, facendo non só referencia á pandemia, senón tamén ao conflito bélico entre Rusia e Ucraína. "Cando criamos superar o peor da pandemia, no mes de febreiro Rusia invadiu Ucraína", lamentou Felipe VI no seu discurso.

Aproveitou a continuación para enviar unha mensaxe de apoio ao pobo ucraíno: "Aos ucraínos refuxiados no noso país lles envíamos a nosa mensaxe de afecto".

A raíz do contexto da crise humanitaria, Felipe VI fixo referencia tamén á crise enerxética que está a provocar grandes consecuencias en España . Mencionou diferentes sectores e "por suposto, as economías familiares", aseverou o rei. "Enceder a calefacción ou a luz, ou encher o depósito implica grandes sacrificios persoais", continuou.

Aproveitou tamén para facer referencia ao importante papel que xoga no país a Constitución Española, a unión nacional e a Unión Europea. "Debemos ter confianza en nós mesmos como nación. Esta confianza xustifícaa a superación doutras crises. A máis recente a da Covid", declarou o monarca. "Necesitamos o maior compromiso de todos coa democracia e coa Unión Europea", proseguiu.

"Nestes momentos, todos deberiamos realizar un exercicio de responsabilidade e reflexionar de maneira construtiva sobre as consecuencias que ignorar estes riscos pode ter para a nosa unión, para a nosa convivencia e para as nosas institucións", advertiu o rei.

A maior parte do seu discurso virou ao redor da importancia para o monarca da unión de todos os españois. "Unha importancia divida ou enfrontada, non avanza", advertía na súa intervención. "A división fai máis fráxiles ás democracias; a unión, todo o contrario, fortaléceas", insistiu.

Felipe VI concluíu o seu discurso desexando unhas felices festas a todos os españois, de parte de toda a familia real e nas catro linguas cooficiais do Estado.