Vítimas do apagamento en Taboadela: tres mortos intoxicados pola mala combustión dun xerador

Tres persoas apareceron falecidas na súa vivenda en Taboadela (Ourense) en torno ao mediodía deste martes, ao parecer por unha intoxicación con monóxido de carbono.

Tal e como confirman a Europa Press diferentes fontes dos servizos de emerxencias, trátase dun matrimonio de 81 e 77 anos de idade (F.D.R. e A.F.M.) e o seu fillo de 56 anos (F.J.D.F). Atopounos xa mortos unha persoa que se achegou á casa.

O Servizo de Urxencias Sanitarias de Galicia-061 confirmou que recibiu unha chamada sobre as 12.55 horas deste martes. Até o lugar desprazouse ao equipo de Atención Primaria da localidade e tamén se mobilizou unha ambulancia de soporte vital avanzado, aínda que finalmente non chegou a asistir.