Accidente mortal ao esmagar unha árbore a un traballador en Lugo
O home de 52 anos faleceu nun accidente laboral no lugar de Maira, na parroquia de Camoira, no municipio de Lugo.
En concreto, segundo a información do CIAE 112-Galicia, o suceso tivo lugar na parroquia de Camoira, máis concretamente no lugar de Maira. Foi un compañeiro do falecido o que chamou a emerxencias para alertar do suceso.
Até a zona desprazáronse efectivos de Policía Nacional, Policía Local e Bombeiros de Lugo, así como persoal de Urxencias Sanitarias de Galicia-061, que non puideron facer nada por salvar a vida ao home.
Escribe o teu comentario