O PP de Vilalba organiza unha misa en homenaxe a Fraga con motivo do 11º aniversario do seu falecemento
A misa será a partir das 19:30 horas na Igrexa de Santa María de Vilalba
O Partido Popular de Vilalba organizou unha misa en homenaxe ao expresidente galego Manuel Fraga, natural desta localidade lucense, con motivo do décimo primeiro aniversario do seu falecemento.
Segundo informou o partido, a celebración terá lugar o día no que se cumpren 11 anos do seu falecemento: este domingo, 15 de xaneiro. Será a partir das 19:30 horas na Igrexa de Santa María de Vilalba.
Con esta misa, indicaron os populares, queren lembrar a un vilalbes "recoñecido" e considerado "fundador da formación política que foi embrión do actual Partido Popular" e tamén "un dos pais da Constitución Española de 1978".
PRESENZA DO COORDINADOR DE CULTURA
Fontes da dirección autonómica do partido que lidera Alfonso Rueda confirmaron que prevé acudir a esta misa homenaxe Daniel Chapela, o coordinador autonómico de Cultura do PPdeG.
Escribe o teu comentario