Asaltantes do Centro Comercial As Termas de Lugo escapan grazas a un problema co 091
O vixiante de seguridade asegura que chamou ao 091 pero no seu lugar saltoulle o 112. Un tempo precioso que os encapuchados, armados con maza, aproveitaron para desvalixar un almacén e desaparecer.
Tres encapuchados rebentaron con mazas o enreixado do centro comercial das Termas, en Lugo, para asaltar unha tenda de móbiles, onde roubaron unha caixa con varios teléfonos.
Segundo informan fontes próximas á investigación a Europa Press, o roubo produciuse sobre as 4,00 horas da madrugada deste xoves, momento no que os ladróns chegaron ao centro comercial nun coche de alta gama.
ATRACO FULGURANTE
De tal forma, rebentaron a entrada, asaltaron o local e realizaron o roubo no almacén da tenda en "entre dúas e tres minutos", en "unha acción moi rápida".
O vixiante do centro comercial chamou ao 091, aínda que saltou a chamada ao 112, o que demorou a resposta policial uns minutos craves para a súa chegada. A pesar de que cinco coches da Policía Nacional desprazáronse ata o lugar, chegaron cando os ladróns xa fuxiran.
Agora, procédese a facer unha valoración de danos e da contía do roubo, á vez que se investiga para poder deter aos responsables.
Escribe o teu comentario